Zaparradak sarri botako ditu eta tarteka mardul botako du, bereziki goizean eta azken orduetan. Egunaren erdiko orduetan aterruneak luzeagoak izango dira. Ipar-mendebaldeko haize biziaren eraginpean jarraituko dugu eta tenperaturak beherako bideari eutsiko dio, 18-20 graduan joaz goia.
Antzeko giroa izango dugu bihar. Egun osoan zehar hodeiak nagusi izango dira eta euri giroa nagusituko da. Zaparradak egun osoz emango dira, baina berriz ere ugariagoak izango dira goizean eta azken orduetan. Ipar-mendebaldeko haizeak joko du eta tenperaturan ez da aldaketarik emango, 18-20 graduan joaz goia.