Azken orduan atertu eta ostarte txiki batzuk irekiko dira, baina orokorrean giroa bustia izango da. Ipar-mendebaldeko haizearen eraginpean jarraituko dugu eta tenperaturak beheraka jarraituko du, 19-21 graduan joaz goia.
Jasotzera egingo du eguraldiak bihar. Goizean oraindik hodei dezente izango da zeruan, baina orduek aurrera egin ahala ostarteak nagusituko dira eta arratsaldean giro atsegina nagusituko da. Ipar-haizeak joko du, baina tenperaturak zertxobait gora egingo du, 20-22 graduan joaz goia.