Eguerdirako ateri geratuko da eta arratsaldean zehar pixkanaka ostarte batzuk zabalduko dira, eguna giro atseginagoarekin amaituko delarik. Ipar-haizeak joko du eta horrekin tenperaturak antzeko jarraituko du, 19-20 graduan joko duelarik goia egunaren erdiko orduetan.
Giro ederra izango dugu bihar. Goizean ostarte zabalak izango dira nagusi eta giro eguzkitsu eta ederra nagusituko da. Arratsaldean aldiz hodeiak ugarituko dira, baina inolako ondoriorik ekarri gabe. Goizean hego-haizea ibiliko da, arratsaldean iparraldetik finkatuko delarik. Tenperaturak gora egingo du, 26-28 graduan joaz goia.