Goiz erditik aurrera ostarteak gailentzen joango dira eta arratsaldean zehar giro eguzkitsua jaun eta jabe izango da. Goizean haize aldakorra ibiliko da, arratsaldean iparraldetik finkatuz. Tenperaturak gora egingo du, 21-23 graduan joaz goia egunaren erdiko orduetan.
Giro motelagoa izango dugu bihar. Goizean zehar hodeiak areagotzen joango dira eta zerua nahiko estalirik utziko dute, joera horrek egun guztian jarraipena izango duelarik eta giro triste xamarra nagusituko delarik. Ez da baztertzen hodei hauek puntualki euri langar pixka bat uztea. Iparraldeko haizea nagusituko da eta tenperatura antzeko kokatuko da, 21-23 graduan joaz goia.
