Zaparradak sarri botako ditu eta tarteka gogotik botako du, ekaitzak jotzea baztertu gabe. Arratsaldean zehar giroa lasaitzen joango da. Atertu egingo du eta ostarte txiki batzuk ere irekiko dira. Mendebal, ipar-mendebaldeko haizea nagusituko da eta tenperaturak nabarmen egingo du behera, 18-20 graduan joaz goia.
Giro zertxobait lasaiagoa izango dugu bihar, baina sosegatu ezinik. Egun osoan zehar berriz ere hodeiak nagusi izango dira eta hodei hauek egunaren erdiko orduetan euria utziko dute, orokorrean gutxi espero delarik eta protagonista izango ez delarik. Ipar-haizeak joko du, bolada biziekin. Tenperaturak zertxobait gora egingo du, 19-21 graduan joaz goia egunaren erdiko orduetan.