Arratsaldean orokorrean atertu, ostarteak ireki eta giro lasaiarekin emango diogu amaiera egunari, nahiz eta, hodeiak ugarituko diren. Ipar-haizea nagusituko da eta tenperaturak beherako bideari eutsiko dio, 22-24 graduan joaz goia.
Giro nahasia izango dugu bihar. Goizean hodeiak ugariak izango dira eta euri giroa nagusituko da. Zaparradak sarri botako ditu eta tarteka gogotik botako du, ekaitzak jotzea baztertu gabe. Arratsaldean zehar giroa lasaitzen joango da. Atertu egingo du eta ostarte txiki batzuk ere irekiko dira. Mendebal, ipar-mendebaldeko haizea nagusituko da eta tenperaturak nabarmen egingo du behera, 18-20 graduan joaz goia.
