Eguerdi aldera ostarte batzuk irekiko dira, baina arratsaldean zehar berriz ere hodeiek zerua nahiko estalirik izango dute. Hala ere, orokorrean ateri eutsiko dio eta giro lasaia nagusituko da. Ipar-haizea nagusi izango da eta tenperaturak behera egingo du, 23-25 graduan joaz goia.
Giro nahasiagoa izango dugu bihar. Goizean hodei baxuek zerua nahiko estalirik izango dute, han-hemenka euri txiki pixka bat izango delarik. Arratsaldean orokorrean atertu egingo du eta ostarteak irekiko dira. Gau aldera ordea, giroa ezegonkortu eta barnealdetik ekaitzak sartuko dira, puntualki mardulak izatea baztertu gabe. Ipar-haizea nagusituko da eta tenperaturak beherako bideari eutsiko dio, 22-24 graduan joaz goia.
