Arratsaldean berriz ere hodeiak ugaritu eta han-hemenka zaparradaren bat izango da, aukera gehiagoz gau aldera. Orokorrean ordea, euri gutxi izango da. Ipar-haizea nagusituko da egunaren zatirik handienean. Tenperaturak behera egingo du, 21-23 graduan joaz goia egunaren erdiko orduetan.
Giro kaxkarra izango dugu bihar. Egun osoan zehar hodeiek zerua estalirik izango dute eta euri giroa nagusituko da. Zaparradak sarri eta mardul xamar botako ditu, bereziki goiz erditik aurrera, non tarteka ekaitzak jo eta zaparrada gogorren bat edo beste izango den. Ipar-mendebaldeko haizearen eraginpean izango gara egun osoz. Tenperaturak behera egingo du, 18-20 graduan joaz goia.
