Eguerdirako ordea, atertu egingo du eta arratsaldean ostarteak irekiko dira, azken orduetan zabal xamarrak izango direlarik. Goizean ipar-mendebaldeko haizea ibiliko da, arratsaldean ipar-ekialdetik finkatuko delarik. Tenperaturak behera egingo du, 18-20 graduan joaz goia.
Giro lasaia izango dugu bihar. Goizean apenas ikusiko den hodeirik eta giro eguzkitsu eta ederra nagusi izango da. Arratsaldean zehar erdi eta goi-mailako hodeiak ugarituko dira, baina inolako ondoriorik ekarri gabe, eguna giro lasaiarekin amaituko dugularik. Goizean goiz hego-ekialdeko haizea ibiliko da, ondoren ipar-ekialdera egingo duelarik. Tenperaturak gora egingo du eta 22-24 gradu atseginetan joko du goia egunaren erdiko orduetan.