Eguerditik aurrera euria gutxituz joango da, egun amaierarako ateri geratuko delarik eta ostarteak irekitzen joango direlarik. Goizean ipar-mendebaldeko haizea ibiliko da, arratsaldean aldiz ipar-ekialdekoa. Tenperaturak gora egingo du, 16-18 graduan joaz goia.
Giro bikaina izango dugu bihar. Goizean behe-laino pixka bat eta hodei baxuren bat edo beste agertuko badira ere, eguzkiak segituan xurgatuko ditu eta giro eguzkitsua gailenduko da. Arratsaldean goi-mailako hodei fin batzuk agertuko dira, baina batere trabarik egin gabe eguzkiari. Goizean hego-haizea ibiliko da, arratsaldean ipar-ekialdetik finkatuko delarik. Tenperaturak nabarmen egingo du gora, 23-25 graduan joaz goia.
