Hala ere, ez da ezer handirik izango eta aterruneak politak izango dira. Ipar-haizea nagusituko da eta tenperatura antzeko kokatuko da, 15-17 graduan joaz goia.
Giro argixeagoa izango dugu bihar. Goizean eta arratsaldeko lehen orduak arte zeruan hodeiak nagusi izango dira eta hodei hauek tarteka euri pixka bat utziko dute, orokorrean oso litro gutxi pilatuko direlarik. Arratsaldean aldiz, ateri geratuko da eta ostarte batzuk zabalduko dira, gauean berriz ere hodeiak ugarituko direlarik. Goizean ipar-mendebaldeko haizea nagusituko da, arratsaldean iparraldetik finkatuko delarik. Tenperaturak gora egingo du, 16-18 graduan joaz goia.
