Zaparradak botako ditu, baina orokorrean tartekatuak izango direnez, ez du euri askorik egingo. Goizean mendebaldeko haizea ibiliko da, arratsaldean iparraldera egingo duelarik. Tenperatura antzeko kokatuko da, 15-17 graduan joaz goia.
Giro motela izango dugu bihar. Goizean goiz hodei asko izanagatik ateri eutsiko dio, baina goiz erditik aurrera eta egunaren erdiko orduetan zaparrada txiki batzuk botako ditu. Arratsalde erditik aurrera atertzera egingo du eta azken orduetan ostarteak irekiko dira. Haizeak goizean ipar-mendebaldetik joko du, arratsaldean iparraldetik eta azken orduetan ipar-ekialdetik. Tenperaturak zertxobait behera egingo du, 14-16 graduan joaz goia.