Hala ere, ez diote eguzkiari trabarik egingo eta giro eguzkitsu eta ederra nagusituko da egun osoan. Hego-haizea ibiliko da, tarteka bolada biziren batekin. Tenperaturak nabarmen egingo du gora, 26-28 graduan joaz goia.
Giro nahasiagoa izango dugu bihar. Goizean goi-hodei fin batzuk salbu, eguraldi eguzkitsu eta ederra izango da nagusi. Arratsaldean zehar beroaren eraginez bero-hodei batzuk garatuko dira eta ez da baztertzen ilunabar aldera ekaitz bakanen bat lehertzea. Hala ere, ekaitzetarako joera txikia izango da eta gehienean ateri egongo da. Hego-haizeak jotzen jarraituko du eta tenperaturan ez da aldaketarik emango, 26-28 graduan joko dutelarik goia egunaren erdiko orduetan.