Arratsaldean barnealdetik barrena bero-hodeiak sartuko dira eta ez da baztertu behar uneren batean zaparradaren bat edo beste izatea, tarteka mardulak izango direlarik. Gauean giroa lasaitu egingo da berriro. Mendebal/hego-mendebaldeko haizea ibiliko da eta tenperaturak gora egingo du, 14-17 graduan joaz goia.
Giro lasaiagoa izango dugu bihar. Goizean ostarte politak nagusituko dira eta giro atsegin eta ederra izango dugu. Arratsaldean zehar mendebaldetik barrena hodeiak nagusitzen joango dira, zerua estalirik geratuko da eta gauean euri txiki pixka bat ere izango da. Hego-mendebaldeko haizea nagusituko da eta tenperaturak gorako bideari eutsiko dio, 18-20 graduan joaz goia.
