Arratsaldean zehar hodeiak ugarituz joango dira mendebaldetik barrena, baina eguna amaitu bitarte ez da euririk espero. Hego-mendebaldeko haize zakarra nagusituko da eta tenperaturak nabarmen egingo du gora, 18-20 graduan joaz goia.
Giro kaxkarra izango dugu bihar. Egun osoan zeruan hodeiak nagusi izango dira eta euri giroa izango da. Zaparradak egun osoan emango dira, baina ugarienak eta mardulenak goizean eta arratsaldeko lehen orduetan emango dira, tarteka gogotik botako duelarik. Ipar-mendebaldeko haize bizia ibiliko da eta tenperaturak nabarmen egingo du behera, 10-12 graduan joaz goia.
