Arratsaldeko lehen orduetan barnealdetik barrena hodei trinkoagoak sartuko dira, non zaparrada giroa nagusituko den, tarteka mardul xamar botatzea baztertu gabe. Azken orduetan ordea, berriz ere atertu eta ostarteak gailenduko dira. Hego-haizea nagusituko da eta tenperaturak gora egingo du, 15-17 graduan joaz goia.
Giro lasaixeagoa izango dugu bihar. Goizean eta arratsaldeko lehen orduak arte hodeiak eta ostarteak tartekatuko dira, baina hodeiak ugariagoak izango dira, tarteka zaparradaren bat edo beste utziko dutelarik. Hala ere, ez da euri askorik espero. Arratsaldean zaparrada bakanen bat bota badezake ere, ostarteak ugariagoak izango dira eta giro argiagoa izango dugu. Arratsalde erdi arte hego-mendebaldeko haizea ibiliko da, azken orduetan ipar-mendebaldera finkatuko delarik. Tenperaturak gora egingo du, 16-18 graduan joaz goia.
