Zaparradak gehienbat arratsaldean emango dira eta orokorrean euri txiki modura izango dira, nahiz eta, ez den baztertu behar tarteka mardulago egitea. Gauean ateriago geratuko da. Mendebal/ipar-mendebaldeko haizea ibiliko da eta tenperatura gorago kokatuko da, 12-14 graduan joaz goia.
Giro argiagoa izango dugu bihar. Goizean hodeiak eta ostarteak tartekatuko dira eta giro lehorra eta lasaia izango dira. Arratsaldeko lehen orduetan barnealdetik barrena hodei trinkoagoak sartuko dira, zaparrada bakanen bat botatzea baztertu gabe. Azken orduetan ordea, berriz ere ostarteak gailenduko dira. Hego-haizea nagusituko da eta tenperaturak nabarmen egingo du gora, 16-18 graduan joaz goia.
