Hego-mendebaldeko haizea zakar ibiliko da, egunaren bigarren zatian bolada oso gogorrekin. Tenperaturak gorako bideari eutsiko dio, 21-24 gradu bitartean joaz goia egunaren erdiko orduetan.
Giro epela izango dugu bihar. Egun osoan zehar erdi eta goi-mailako hodeiak ostarteekin tartekatuko dira, baina ostarteak nagusi izango dira eta eguraldi eguzkitsu eta ederra izango da beste egun batez jarraian. Hego-haizeak zakar joko du, bolada oso zakarrekin egunaren azken orduetan eta tenperaturak gorako bideari eutsiko dio, 23-26 graduan joaz goia egunaren erdiko orduetan.