Arratsaldeak aurrera egin ahala hodeiak ugaritzen joango dira iparraldetik barrena, azken orduetan hodeiak ugariak izango direlarik. Ez da baztertzen gau erditik gertu euritara jotzea. Goizean haize aldakorra ibiliko da, arratsaldean iparraldetik finkatuko delarik. Tenperatura igo egingo da, 22-24 graduan joaz goia.
Giro kaxkarragoa izango dugu bihar. Goizean eta arratsaldeko lehen orduak arte zeruan hodeiak nagusi izango dira eta euri zaparrada txiki batzuk izango dira, litrotan orokorrean gutxi pilatuko delarik. Arratsaldean zehar atertu egingo du eta azken orduetan ostarte txikiren bat edo beste ere agertuko da. Ipar-haizea nagusituko da egun osoan zehar, tarteka bolada biziekin. Tenperaturaren beherakada nabarmentzekoa izango da, non nekez gaindituko dituzten 11-13 graduak egunaren erdiko orduetan.