Arratsaldean zehar tarteka hodei baxu batzuk agertuko dira mendebaldetik barrena, baina ostarte zabalek nagusi izaten jarraituko dute eta giroa ederra izango da. Goizean hego-haizea ibiliko da, arratsaldean iparraldekoa nagusituz. Tenperatura antzeko kokatuko da, 18-21 graduan joaz goia.
Zertxobait giro nahasiagoa izango dugu bihar. Goizean hodeiak eta ostarteak eta giro ederra nagusituko dira. Eguerdi aldera ordea erdi eta goi-mailako hodeiak ugarituko dira, zerua zikinago utziko dutelarik, uneren batean zaparrada isolaturen bat botatzea baztertu gabe. Arratsaldeak aurrera egin ahala ordea ostarteak nagusituko dira berriro. Haizea aldakor antzean ibiliko da, arratsaldean iparraldeko ukituarekin. Tenperaturak behera egingo du, 16-19 gradu bitartean joaz goia.
