Goizean behe-laino pixka bat eta hodei gutxi batzuk agertuko badira ere, azkar batean desagertuko dira eta egun osoan zehar giro eguzkitsua nagusituko da, goi-hodei fin batzuekin.
Hego-ekialdeko haizea nagusituko da eta tenperaturak koska polita egingo du gora, 14-17 graduan joaz goia.
Giro epela izango dugu bihar. Egunean zehar erdi eta goi-mailako hodeiak presente izango dira zeruan, goizean ostarteak nagusituko direlarik eta arratsaldean zehar aldiz hodeiek lekua irabaziko dutelarik, egun amaieran zerua estalirik utziz. Hala ere, ateri eutsiko dio. Hego-haizeak oso zakar joko du eta tenperaturak gora egingo du, 16-18 graduan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
