Arratsaldeko lehen orduan ordea, fronte bat iritsiko da, haizeak mendebaldera egingo du eta euritara joko du. Orduan zaparrada handiak eta ugariak botako ditu, gauean euri gutxiago izango delarik. Tenperatura maximoak goizean emango dira, 16-18 graduan joaz goia. Arratsaldean asko hoztuko du, egun amaieran elur-maila 1.000 metroan edo beherago kokatuko delarik.
Negu giroa izango dugu bihar. Egun osoan zehar hodeiak nagusi izango dira zeruan eta euri giroa izango da. Zaparradak egun osoan botako ditu, non mardul xamarrak izango diren, tarteka ekaitzak jo eta kazkabar txikia botatzea baztertu gabe. Mendebal/ipar-mendebaldeko haize zakarra izango da nagusi eta tenperaturan beherakada nabarmena izango da, 6-8 graduan joaz goia. Elur-maila goizean 700-800 metroan kokatuko da, egun amaiera 500 metro inguruan kokatuko delarik.
