Arratsaldean erdi eta goi-mailako hodeiak ugarituko dira, baina inolako ondoriorik ekarri gabe. Hego-haizeak indarra hartuko du eta tarteka zakar joko du eta tenperaturak gorako bideari eutsiko dio, 19-21 graduan joaz goia, egunaren erdiko orduetan.
Giro aldakorra izango dugu bihar. Goizean hodeiak ugariak izanagatik nahiko giro ateria eta lasaia izango da. Arratsaldean ordea, hodeiak trinkotuko dira eta euritara joko du. Zaparrada giroa nagusituko da, non tarteka mardul botako duen. Goizean hego-mendebaldeko haizea ibiliko da, arratsaldean ipar-mendebaldekoa nagusituko delarik. Tenperatura antzeko kokatuko da, 18-20 graduan joaz goia. Arratsaldean hori bai, dezente freskatuko du.