Bihar, udaberriko giroa izango dugu. Goizean zerua ia erabat urdin agertuko da eta eguraldi eguzkitsu eta ederra izango da nagusi. Arratsaldean, berriz, erdi eta goi-mailako hodeiak ugarituko dira, baina inolako ondoriorik ekarri gabe. Hego-haizeak indarra hartuko du eta tarteka zakar joko du. Tenperaturak aurreko egunetako gorako bideari eutsiko dio, eta termometroek 19-22 graduan joko dute goia, egunaren erdiko orduetan.
Giro ederra izango dugu. Egun osoan zehar zerua ia erabat urdin agertuko da, nahiz eta, tarteka goi-hodei batzuk agertu, giro eguzkitsu eta ederra nagusituz. Goizean hego-haizea ibiliko da eta arratsaldean hego-mendebaldekoa, tarteka bolada biziekin eta horrekin tenperaturaren gorakada nabarmena izango da, 17-20 gradu bitartean joko baitute goia termometroek egunaren erdiko orduetan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!