Bihar, giro kaxkarra izango dugu. Egun osoan zehar berriz ere hodeiak nagusi izango dira eta hodei hauek euri zaparradak utziko dituzte. Zaparradak ugariak eta tarteka mardulak izango dira egunaren lehen zatian. Arratsaldean tartekatuago eta ahulago egingo du, aterruneak geroz eta luzeagoak izango direlarik. Mendebaldeko haize zakarra nagusituko da eta tenperaturak nabarmen egingo dute behera, termometroek nekez gaindituko dutelarik 9-11 graduak, egunaren erdiko orduetan.
Giro nahasia.
2024ko ots. 9a, 06:59
Egun osoan zehar hodeiak nagusi izango dira zeruan eta estali xamarrik utziko dute. Hodei hauek goizean euri zaparrada batzuk utziko dituzte. Goiz erditik aurrera atertzera egingo du eta ateri eutsiko dio ilunabar aldera arte. Ilunabarretik aurrera berriz ere euriari ekingo dio. Hego-haizea indartsu ibiliko da. Gauean mendebal/ipar-mendebaldera egingo du. Tenperatura jaitsi egingo da, 13-16 graduan joko duelarik goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!