Arratsaldean aldiz fronte bat sartuko da eta euritara joko du, tarteka euri zaparrada batzuk bidaliko dituelarik, une batzuetan mardulak izango direlarik. Goizean haizeak hego-mendebaldetik joko du eta arratsaldean ipar-mendebaldetik. Tenperatura jaitsi egingo da, 14-16 graduan joaz goia, non balio altuenak goizean emango diren. Arratsaldean askoz hoztuko du eta elur-maila 1.000 metrotik behera kokatuko da.
Giro hotza izango dugu bihar. Goizean giro lasaia izango da, nahiz eta, hodeiak ugariak izan. Eguerdian eta arratsaldeko lehen orduetan barnealdetik euri pixka bat sartuko da, orokorrean zaparrada txiki modura. Ilunabarretik aurrera atertu eta ostarteak irekiko dira. Ipar/ipar-ekialdeko haizea nagusituko da eta tenperatura izugarri jaitsiko da, 4-7 graduan joaz goia. Elur-maila 400-500 metroan kokatuko da.
