Zaparrada ugarienak eta mardulenak egunaren lehen zatian botako ditu, non ia etengabe egingo duen, tarteka ekaitzak jo eta kazkabarra botatzea baztertu gabe. Arratsaldean euria tartekatuago egingo du, baina giro euritsuak jarraipena izango du. Ipar-mendebaldeko haize zakarraren menpe jarraituko dugu eta tenperaturak beherako bideari eutsiko dio, 5-7 graduan joaz goia. Elur-maila 700 metro inguruan kokatuko da.
Giro kaxkarra izango dugu bihar. Egun osoan zehar hodeiak nagusi izango dira beste behin eta euri kontuak izango ditugu. Zaparrada gehien egunaren lehen zatian botako ditu, baina aurreko egunekin alderatuta tartekatuago eta ahulago botako du.
Egun guztian hodeiak nagusi izango dira, zerua erabat estalirik mantenduko dutelarik. Hodei hauek euri giroa ekarriko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!