Azken orduetan hori bai, mendebaldetik hodeiak ugarituko dira, zerua estalirik geratuko da eta euritara joko du. Haizeak egunaren gehienean hego-mendebaldetik joko du, azken orduetan mendebaldera egingo duelarik. Tenperatura antzeko kokatuko da, 13-15 graduan joaz goia.
Giro makurra izango dugu bihar. Goizean goizetik hasita zeruan hodeiak nagusi izango dira eta euri giroa nagusituko da. Euria egun guztian zehar botako du, baina zaparradarik ugarienak eta mardulenak egunaren bigarren zatian emango dira, tarteka ekaitzak jo eta zaparrada gogorren bat izatea baztertu gabe. Ipar-mendebaldeko haize zakarra nagusituko da eta tenperatura jaitsi egingo da, 8-10 graduan joaz goia. Elur-maila jaitsi egingo da. Goizean 1.200 metroan kokatuko da eta azken orduetan 800 metroan.