Hala ere, aurreko egunekin alderatuta askoz euri gutxiago egingo du. Azken orduetan hori bai, zaparradak ugariagoak izango dira. Hego/hego-mendebaldeko haize zakarra nagusituko da eta tenperaturak nabarmen egingo du gora, 14-16 graduan joaz goia.
Giro epela izango dugu bihar. Egun osoan zehar berriz ere erdi eta goi-mailako hodeiak oso ugariak izango dira, zerua nahiko estalirik edukiko dutelarik ordu gehienetan. Gainera zeharka pasako den fronte baten euri tantaren bat edo beste uztea ez da baztertzen, bereziki eguerdi aldera. Hala ere, orokorrean ateri eutsiko dio. Hego-haizeak zakar jotzen jarraituko du eta tenperatura dezente igoko da, 18-20 gradu epeletan errendituz.