Goizean hodeiak oso ugariak izanagatik euria urria izango da eta nahiko ateri eutsiko dio. Arratsaldean hodeiak are gehiago trinkotuko dira eta euri gehixeago izango da, bereziki ilunabar, gau partean.
Haizeak goizean hego-mendebaldetik joko du, arratsaldean ipar-mendebaldera aldatuko delarik. Tenperatura igo egingo da, 18-20 graduan joaz goia.
Jasotzera egingo du bihar. Goizean hodeiak ugariak izango dira eta oraindik euri pixka bat izango da. Hala ere, oso gutxi botako du. Eguerditik aurrera ateri geratuko da eta ostarte batzuk zabalduko dira, nahiz eta, ez duen erabat garbituko. Haizeak goizean ipar-mendebaldetik joko du, arratsaldean ipar-ekialdetik finkatuko delarik. Tenperatura jaitsi eta nekez gaindituko ditu 14-16 graduak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
