2023ko aza. 12a, 06:59
Goizean goiz eta lehen orduetan euri pixka bat izango bada ere, goiz erdi edo eguerdirako atertu egingo du eta arratsaldean ostarteak irekiko direnez, eguraldi atsegina geratuko zaigu.
Hego, hego-mendebaldeko haizea nagusituko da eta tenperaturak gorako bideari eutsiko dio, 18-20 graduan joko duelarik goia egunaren erdiko orduetan.
Giro atsegina izango dugu bihar. Egunean zehar erdi eta goi-mailako hodeiak ostarteekin tartekatuko dira, baina giro ateri eta lasaia izango dugu egun osoz. Hego-haizeak nagusi izaten jarraituko du eta tenperaturak goraka jarraituko du, 20-22 gradu atseginetan joko duelarik goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!