Ilunabar, gau partean aterruneak luzatuko dira, baina gau erdi aldera berriz ere euritara joko du. Hego-mendebaldeko haizea nagusituko da, tarteka mendebaldeko ukituarekin. Tenperatura igo egingo da, 16-18 graduan joaz goia.
Giro lasaiagoa izango dugu bihar. Goizean goiz eta lehen orduetan euri pixka bat izango bada ere, goiz erdi edo eguerdirako atertu egingo du eta arratsaldean ostarteak irekiko direnez, eguraldi atsegina geratuko zaigu. Hego, hego-mendebaldeko haizea nagusituko da eta tenperaturak gorako bideari eutsiko dio, 18-20 graduan joko duelarik goia egunaren erdiko orduetan.
Goizean sartuko den fronte batekin zerua erabat estalirik mantenduko da eta euri giroa izango dugu. Zaparradak ia egun osoz emango dira, baina ugariagoak eta mardulagoak izango dira goizean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!