Eguerdian eta arratsaldeko lehen orduan lasaialdi bat izango du eguraldiak, baina arratsalde erditik aurrera zaparrada batzuk izango dira, nahiz eta, goizarekin alderatuz euri gutxiago egin. Haizeak mendebal/ipar-mendebaldetik joko du eta tenperatura jaitsi egingo da, 12-15 graduan joaz goia.
Antzeko giroa izango dugu bihar. Goizean hodeiak oso ugariak izango dira eta euri zaparrada batzuk botako ditu, non tarteka mardulak izango diren. Eguerditik aurrera zaparradak urritu egingo dira eta askoz tartekatuago botako du. Hala ere, ez du erabat atertzerik lortuko. Mendebal/ipar-mendebaldeko haizea ibiliko da, nahiz eta, gauean hego-mendebaldera egingo duen. Tenperatura jaitsi eta ez da 11-14 gradutik pasako.
