Zaparradak tartekatuak izango dira, baina ez da baztertzen mardulak izatea. Gauean atertzera egingo du. Haizeak goizean hego-mendebaldetik zakar joko du; arratsaldean aldiz, mendebal/ipar-mendebaldera egin eta ahulduko da. Tenperatura jaitsi eta ez da 13-15 gradutik pasako.
Giro lasaiagoa izango dugu bihar. Goizean hodeiak eta ostarteak tartekatuko dira eta giro lasaia izango da. Arratsaldean zehar hodeiak ugaritzen joango dira, ilunabar, gau partean euri pixka bat botako duelarik. Haizeak hego-mendebaldetik harro joko du. Tenperatura igo egingo da, 15-17 graduan joaz goia.
