Bihar, giro euritsua izango dugu. Egun osoan hodeiak izango dira eta euri giroa nagusituko da berriro. Zaparradak ugariak eta mardulak izango dira egunaren gehienean, non litro politak pilatuko diren. Gauean atertzeko joera hartuko du. Mendebaldeko haize zakarra ibiliko da egunaren ordu gehienetan. Gauean hego-mendebaldera egingo du. Tenperatura jaitsi egingo da, 11-13 graduan joz goia. Elurra goizean 1.200 metroan kokatuko da, baina ondoren gora egingo du.
Egun osoan zehar hodeiak izango dira eta euri giroa nagusituko da. Euria egun osoan botako du, baina zaparradak ugariagoak eta mardulagoak izango dira egunsentian eta egunaren bigarren zatian. Haizeak mendebaldetik nahiko zakar joko du, tarteka ipar-mendebaldeko ukituarekin. Gauean hego-mendebala nagusituko da. Tenperatura jaitsi eta ez da 12-15 gradutik pasako. Egun amaieran elurra 1.100/1.200 metroan kokatuko da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!