Egun osoan zehar hodeiak nagusi izango dira berriz ere, eta hodei hauek euri txiki modura zaparradak utziko dituzte, bereziki goizean. Arratsaldeak aurrera egin ahala, atertzen joango da, arratsalde erditik aurrera ateri geratuko delarik.
Gainera, orduan ostarte batzuk irekiko dira, nahiz eta, azken orduetan hodeiak ugaritu. Ipar-haizea ibiliko da eta tenperaturak koska bat behera egingo du, 20-22 graduan joaz goia.
Jasotzeko joera izango du eguraldiak bihar. Goizean hodeiak nagusi izango dira oraindik eta tantaren bat botatzea ez da baztertzen. Hala ere, orokorrean ateri egongo da. Eguerditik aurrera ostarteak irekiko dira, eta arratsalde partean giro polita nagusituko da. Azken orduetan berriz ere hodeiak ugarituko dira. Ipar-haizeak joko du, baina tenperaturak gora egingo du, 22-24 graduan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
