Goizean hodeiak ugariak izango dira, baina orokorrean ateri egongo da, eguerdi alderako ostarte batzuk irekiko direlarik. Arratsaldean zehar bero-hodeiak garatuko dira eta arratsalde erditik aurrera ekaitzak lehertuko dira, uneren batean handiak izatea baztertu gabe.
Ipar-ekialdeko haizea nagusituko da eta tenperaturek gora egingo dute, 24-26ºC-tan joaz goia, egunaren erdiko orduetan.
Ostirala, uztailak 7
Giro beroa. Goizean hodeiak eta ostarteak tartekatuko dira eta giro lasaia izango da. Arratsaldean zehar berriz ere bero-hodeiak garatuko dira eta ekaitzetarako joera hartuko du. Hala ere, ekaitz probabilitatea txikiagoa izango da ostegunarekin alderatuz. Hego-ekialdeko haize bizia ibiliko da, azken orduetan ipar-mendebaldera egingo duelarik. Tenperaturak nabarmen igoko dira, 29-32ºC-tan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
