Goizean hego, hego-mendebaldeko haize bizia ibiliko da, arratsaldean aldiz ipar-mendebaldera egingo du. Tenperaturan aldaketa gutxi; balioak zertxobait beherago kokatu daitezke, 27-28 graduan joko dutelarik goia egunaren erdiko orduetan.
Giro lasaiagoa izango dugu bihar. Egun osoan zehar hodeiak eta ostarteak tartekatuko zaizkigu, hodeiak orokorrean nagusi izango direlarik, bereziki egunaren bigarren partean, baina ekaitzetarako probabilitatea oso txikia denez, ateri eutsiko dio leku eta ordurik gehienetan. Haizeak goizean hegotik joko du, baina eguerditik aurrera iparraldera egingo du. Tenperatura antzeko kokatuko da, 26-28 graduan joaz goia.
Goizean ostarte zabalak nagusituko dira eta giro eguzkitsua izango da. Arratsaldean aldiz, bero-hodeiak garatu eta arratsalde erditik aurrera ekaitzetara joko du, non balitekeen ekaitz handi xamarrak lehertzea.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!