Azken orduetan bero-hodeiak garatuko dira, baina ez du ekaitzetarako joerarik izango orokorrean. Hego-haizea nagusituko da eta tenperaturak gorako bideari eutsiko dio, 25-27 graduan joaz goia egunaren erdiko orduetan.
Antzeko giroa izango dugu bihar. Zeruan erdi eta goi-mailako hodei gehiago agertuko da, tarteka zerua estaliago mantenduko dutelarik. Hala ere, ostarte batzuk ikusiko dira eta eguraldi ederra izango dugu. Arratsalde amaieran bero-hodeiak agertuko dira berriro, baina ekaitzetarako joera txikia izango denez, orokorrean ateri eutsiko dio. Hego-haizeak joko du, baina tenperaturak zertxobait behera egingo du, 23-25 graduan joaz goia.