Eguerditik aurrera ordea, fronte baten bitartez zerua estali egingo da, haizeak mendebal, ipar-mendebaldera egingo du eta arratsaldean euritara joko du. Zaparradak orokorrean ahulak izango dira, beraz ez da euri asko egiterik espero. Tenperatura igo egingo da, 20-22 graduan joaz goia.
Giro lasaiagoa izango dugu bihar. Egun osoan zehar hodeiak nagusi izango dira eta ez da baztertzen egunaren erdiko orduetan tantaren bat botatzea. Hala ere, huskeria izango da eta gehienean ateri eutsiko dio. Goizean haizea aldakor ibiliko da, mendebaldeko ukitu batekin. Arratsaldean iparraldera egingo du. Tenperatura jaitsi egingo da, 19-20 graduan joaz goia.