Haizeak mendebal/ipar-mendebaldetik joko du, nahiz eta, azken orduetan hego-mendebaldera egingo duen. Tenperatura jaitsi eta ez da 11-13 gradutik pasako. Elur-maila goizean 1.000 metrotan kokatuko da, baina ondoren gora egingo du.
Giro bustia izango dugu bihar. Goizean goiz berriz ere euri gutxi izango da, baina goiz erditik aurrera zaparrada gehixeago espero da, nahiz eta, ez duen mardul botako eta orokorrean ez den espero euri askorik egiterik. Mendebal/ipar-mendebaldeko haizearen eraginpean jarraituko dugu, baina tenperaturak gora egingo du, 15-17 graduan joko duelarik goia egunaren erdiko orduetan.