Zaparradak ugariagoak izango dira eguerditik aurrera, non une batzuetan mardulago egingo duen. Ipar-ekialdeko haizea bizi ibiliko da, tarteka bolada zakarrekin. Tenperatura jaitsiko da eta ez da 2-5 gradutik pasako. Elur-maila 300 metrotan kokatuko da, uneren batean beherago egitea baztertu gabe.
Giro lasaiagoa, baina hotza izango dugu bihar. Berriz ere egun osoan hodeiak nagusi izango dira. Goizean oraindik, une batzuetan euri pixka bat izango da, baina oso gutxi. Eguerditik aurrera atertu egingo du eta egunaren bigarren zatian giroa lehorragoa izango da. Ipar-ekialdeko haizeak bizi jotzen jarraituko du eta tenperatura zertxobait igoko da, 3-6 graduan joaz goia. Botatzen duena 300 metrotik gora izango da elurretan, beherago egitea baztertu gabe.
Giro hotza
2023ko urt. 28a, 06:59
Egun osoan zehar hodeiak nagusituko dira eta hodei hauek tarteka zaparrada txiki batzuk utziko dizkigute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!