Ilunabar aldera lasaialdi txiki bat izango du, baina gauean euriari ekingo dio. Elur-maila goizean 1.000 metrotan kokatuko da, baina arratsaldean 400-500 metrotan botako du, gauean beherago egitea baztertu gabe. Mendebaldeko haizea zakar ibiliko da eta tenperaturak ez dira 4-7ºC-tatik pasako.
Asteazkena, urtarrilak 18
Negu beteko giroa. Egun osoan zeru estalia izango da eta zaparrada giroa nagusituko da, non tarteka mardul botako duen, ekaitzak jo eta kazkabar txikia egitea baztertu gabe. Elur-maila egunean zehar gorabeherekin ibiliko da. Lehen eta azken orduetan 100-200 metrotan kokatuko da, egunaren erdiko orduetan 300-400 metrotan kokatuko delarik. Ipar-mendebaldeko haize zakarra ibiliko da eta tenperaturak jaitsi egingo dira, 2-5ºC-tan joaz goia.
