Tarteka zaparrada mardulak botako ditu, bereziki arratsaldeko lehen orduetan. Azken orduetan euri gutxiago izango da. Haizea aldakor ibiliko da, hego-ekialdeko ukitu batekin eta tenperaturak beherako bideari eutsiko dio, 10-11 graduan joaz goia egunaren erdiko orduetan.
Giro bustia izango dugu bihar. Goizean eta arratsaldeko lehen orduak arte zaparrada batzuk izango dira. Ez dira oso mardulak izango, baina nahiko sarri botako du. Arratsalde erdian lasaialdi bat hartuko du eguraldiak, baina azken orduetan hegoaldetik beste fronte bat iritsiko da eta euritara joko du. Ipar-ekialdeko haizea ibiliko da eta tenperatura antzeko mantenduko da, 10-11 graduan joaz goia.