Arratsaldeak aurrera egin ahala hodeiak ugaritu egingo dira, azken orduetan zerua erabat estalirik geratuko delarik. Gau erditik gertu fronte bat iritsiko da eta euritara joko du. Hego, hego-mendebaldeko haizea ibiliko da, azken orduetan mendebaldera egingo duelarik. Tenperatura igo eta 17-18 graduan joko du goia.
Giro kaxkarra izango dugu bihar. Gauean sartuko den frontearen atzetik, zaparrada giroa nagusituko da egun osoan, non tarteka mardul botako duen, uneren batean ekaitzak jotzea baztertu gabe. Ipar-mendebaldeko haize bizia ibiliko da eta tenperaturak nabarmen behera egingo du, 10-11 graduan joaz goia. Baliteke arratsaldean, Aralarko tontorrik altuenetan elurra agertzea.