Azken orduetan euri zaparradak ugarituko dira. Haizeak hego-mendebaldetik joko du. Tenperaturak jaitsi egingo dira eta nekez gaindituko dituzte 11-12ºC-ak.
Asteazkena, azaroak 23
Giro kaxkarra. Goizean beste fronte bat iritsiko da eta euritarako joera nabarmena hartuko du eguraldiak. Zaparrada mardulak eta nahiko sarri botako ditu, bereziki goizean. Arratsaldean zehar pixkanaka aterruneak luzatzen joango dira, azken orduetan ateri geratuko delarik. Mendebal/ipar-mendebaldeko haizea ibiliko da, baina tenperaturak pixka bat igoko dira, 13-14ºC-tan joaz goia.
