Zaparradak ugariak izango dira eta mardul botako du, ekaitzak jotzea baztertu gabe. Goizean hego-mendebaldeko haizea ibiliko zaigu, arratsaldean mendebal/ipar-mendebaldetik finkatuko delarik. Tenperaturak antzeko mantenduko dira, 15-17ºC-tan joaz goia. Arratsaldean nabarmen freskatuko du.
Ostirala, azaroak 18
Giro makurra. Egun osoan zehar hodeiak nagusituko dira eta zaparradak izango ditugu. Zaparrada ugarienak eta mardulenak arratsaldean pilatuko dira, litro dezente botako dituelarik. Ez da baztertzen ekaitzak jotzea. Mendebal/ipar-mendebaldeko haize zakarra ibiliko da eta tenperaturak asko jaitsiko dira, 11-13ºC-tan joaz goia.
