Arratsaldean zehar geroz eta euri gutxiago egingo du, azken orduetan ateri geratuko delarik. Haizeak goizean hego-mendebaldetik joko du eta eguerditik aurrera mendebaldetik. Tenperaturak igo eta 17-18ºC-tan joko dute goia.
Asteazkena, azaroak 16
Giro lasaiagoa. Egun osoan zehar hodeiak nagusi izango dira, non trinkoagoak izango diren egunaren lehen eta azken orduetan. Orduan tantaren bat bota badezake ere, orokorrean euri gutxi izango da. Egunaren erdiko orduetan giro ateria izango da eta ostarteren bat edo beste ere izango da. Hego-mendebaldeko haizea bizi ibiliko da eta tenperaturak jaitsi egingo dira, 15-16ºC-tan joaz goia.
