Eguerdian eta arratsaldeko lehen orduan ostarte zabalak izango dira eta eguraldi ederra nagusituko da. Azken orduan mendebaldetik erdi eta goi-mailako hodeiak nagusituko dira, baina ez du euritara joko. Hego, hego-ekialdeko haizeak joko du eta tenperatura antzeko kokatuko da, 20-21 graduan joaz goia.
Giro nahasia izango dugu bihar. Goizean erdi eta goi-mailako hodeiek zerua estalirik edukiko dute, baina apenas egingo duen euririk. Arratsaldean fronte bat iritsiko da mendebaldetik eta euritara joko du, non tarteka zaparrada mardulak botako dituen. Azken orduetan atertzera egingo du. Goizean hego-mendebaldeko haizeak joko du, arratsaldean aldiz ipar-mendebaldekoak. Tenperatura jaitsi egingo da eta nekez gaindituko ditu 16-17 graduak.