Hego-ekialdeko haizea nagusituko da, tarteka bolada biziekin eta tenperaturen gorakada nabarmena izango da, 25-27 graduan joaz goia egunaren erdiko orduetan.
Giro nahasiagoa izango dugu bihar. Goizean goizetik zeruan erdi eta goi-mailako hodeiak nagusi izango dira, baina hauek ez dute inolako ondoriorik ekarriko. Arratsaldean zehar hodeiak trinkotu egingo dira eta azken orduetan zaparradaren bat izango da, ekaitzak jotzea baztertu gabe. Haizeak aldakor joko du, beti ere, hego-mendebaldekoa nagusituko delarik. Tenperatura zertxobait jaitsiko da, 24-25 graduan joaz goia.